[center]بسم الله الرحمن الرحيم
هي من صميم قلبي النابض بحبه .. أثنا عشر شهر على رحيله
اليكم بعض ماستطاع نزفي العاجز
هنا أقول ...
أدري الأقـدار تمشـي فـي قضاهـا وأحكمتـهـا
كم عجوزن أفجعتها (وكمّ ) مالـود أيتمتـه
وأدري إن النفس تغلـي والليالـي غربلتهـا
مثلما ادري إن قلبـي هالأحاسيـس أفجعتـه
مثلما ادري في علوم(ن) هالمدامع بعثرتهـا
يوم ماخلت مغز أبره بجسمـي غيـر جتـه
مثلما كانت خُطاتي ماضيـه فـي بخترتهـا
مثلما كانـت عيونـه ترقبـا قـول أنطقتـه
آآآه يامكبر أهمومي يـوم دنيـاي أنثرتهـا
وسعت كل هم فيني ماعدى الحـزن أجمعتـه
كني اللي دون دربه قرصة النـاب أعثرتهـا
وكني اللي دون تدري سم الاعـداء أجرعتـه
ماخبرت إنسان يسمع صرخته يوم أحرثتهـا
غير (خل ٍ) رغم عني سـود الايـام سرقتـه
قبل تسرق من عيوني راحته يوم أسهرتهـا
قبل ما خافي حشاي ونـوم عينـي بعثرتـه
والدي لو غاب أشوفه في دروبي واوجهتهـا
وين ماحطيت عيني شفت وجهه واوجهتـه
إن طبقت الجفن لحظه هلت العيـن أبركتهـا
وان بغيت أنسى خياله عزم الأفكـار أتعبتـه
وان بغت ترثي عيونه هالقصايـد ........ ؟
مارثتهـا ؟
مارثتهـا!
مارثتهـا ؟
لعن أبو جد القوافي كيف جاء يـوم ورثتـه
كنها أحـزان قلبـي ستـرة الهـم أسدلتهـا
كُـل مافينـي تعـذب والمقاديـر أرهقـتـه
لو بغيت اخفي شعوري عبرة النفس افضحتها
لو بغيت ابكي دموعي ماتجيبـه لـو بكتـه
آه ياذا الحزن فيني نـار خوفـي والسنتهـا
ولعت فكري وظني وساكـن القلـب أوقدتـه
التجي لك يا الآهي ( هالمآثم )... مغفرتهـا
جعـل فالفـردوس نزلـه والزمـرد أبرقتـه
ياعسى بجنـان خلـدك بالنعيـم وأسررتهـا
-يشرب الكوثر ويسقى خمرطابـت سكّرتـه
أعلم إن الموت سنه حكمة الـرب افرضتهـا
وأعلم إن الصبر حق و سنة الدين أوجبته ؟
موضوع: اشهر الكتاب والادباء في قسم الخواطروالنثر....ويوجد العدد من الكتب 
الأربعاء يونيو 18, 2008 1:19 am
